উপভাষা, ভালোবাসা

থুইছুং বুকোৎ নেকি

ফজলে রাব্বী

১ ফেব্রুয়ারি, ২০২২ , ৬:১২ অপরাহ্ণ ; 165 Views

তাংকু মুই আর গাঁথিম না সই

বোয়াইম না আর হাল

অইদে অইদে ঘুরিম না মুই

ফিকাইম না আর জাল।

 

মনটা দিয়া পড়া পড়িম

হইম রে মুই অফিসার

ঘরের গিন্নি তোকে বানাইম

গোসা করিস না আর।

 

ঘাটের পারোত আয় ক্যানে রেই

দ্যাখা করি চল

মাঝ কপালোত টিপ দিয়া দিম

ঠ্যাংগোত পরাইম মল।

 

সোগে অ্যালা গেছুং শিখি

জসিমের বই দেকি

হাত কাটিয়া তোর নামখান

থুইছুং বুকোৎ নেকি।

মন্তব্য করুন